Святочны настрой у сям’і Валерыя і Анастасіі Дудзевіч з Больцішак. На душы лагодна і шчасліва — падрастаюць трое дзетак, у хаце пануюць лад і згода.
Валерый — апора сям’і, сапраўдны хлебароб. У мінулым годзе з палеткаў гаспадаркі перавёз дзве тысячы тон зерня. Сёлета плануе замахнуцца на тры тысячы.
Пэўна, Анастасію на Воранаўшчыне ведае не адзін чалавек. Культарганізатар мясцовага цэнтра культуры часта трапляла ў поле зроку землякоў падчас шматлікіх святаў.
Радасць бацькоў — дзеткі. Хату Дудзевічаў упрыгожваюць малюнкі сямігадовай Карыны і карціны з бісеру дзевяцігадовай Ганначкі. Яны ж і першыя матуліны памочніцы, асабліва калі трэба паглядзець за самым малодшым брацікам Сашам.
Мір у душы, мір у сем’ях, мір у краіне!
Марына КАНДРАТОВІЧ.
Фота Сяргея ГРЫЧЫКА.